पुणे : महाराष्ट्र क्रिकेट असोसिएशनच्या महाराष्ट्र प्रीमियर लीग (एमपीएल) लिलावात ६ संघांसाठी तब्बल ५७.८० रुपये विक्रमी फ्रँचायझी फी मिळाली आहे.
महाराष्ट्र क्रिकेट असोसिएशनचे (एमसीए) अध्यक्ष रोहित पवार यांनी सांगितले की, या एमपीएलमध्ये खेळणाऱ्या 6 शहरांच्या लिलावात 20 कॉर्पोरेट्स आणि बिझनेस हाऊसेस सहभागी झाले होते.
पवार पुढे म्हणाले, ‘एमपीएलसाठी किमान १८ कोटी रुपये मूल्य अपेक्षित असलेल्या सहा संघांसाठी आम्ही तीन वर्षांसाठी वर्षाला एक कोटी रुपये आधारभूत किंमत ठेवली होती. परंतु आज संघांचा लिलाव झाल्यानंतर आम्हाला 3 वर्षांसाठी 6 संघांसाठी तब्बल 57.80 रुपये इतकी विक्रमी फ्रँचायझी फी मिळाली”.
पवार पुढे म्हणाले की, खुल्या निविदा प्रणालीद्वारे मालकी खरेदी करण्यासाठी आम्ही पूर्णपणे पारदर्शक प्रक्रियेचे अनुसरण केले.
पुणे फ्रँचायझीसाठी पुण्यातील प्रवीण मसालेवाले यांनी १४.८ कोटी रुपयांची बोली जिंकली असून आयकॉन प्लेअर म्हणून ऋतुराज गायकवाड यांचा समावेश आहे.
पुनीत बालन ग्रुपने कोल्हापूर फ्रँचायझीसाठी ११ कोटी रुपयांना बोली जिंकली असून केदार जाधव हा त्यांचा आयकॉन खेळाडू आहे.
ईगल इन्फ्रा इंडिया लिमिटेडने नाशिक फ्रँचायझी ९.१० कोटी रुपयांना जिंकली आणि राहुल त्रिपाठी आयकॉन खेळाडू ठरला.
संभाजीनगर फ्रँचायझी व्यंकटेश्वर इंडस्ट्रियल सर्व्हिसेस प्रायव्हेट लिमिटेडने ८ कोटी ७० लाख रुपयांना जिंकली असून राजवर्धन हंगरगेकर हे आयकॉन प्लेयर ठरले आहेत.
रत्नागिरी संघाचे फ्रँचायझी हक्क जेटसिंथेसने ८.३० कोटी रुपयांना मिळवले असून अझीम काझी हा त्यांचा स्टार खेळाडू आहे.
कपिल सन्स एक्सप्लोसिव्ह एलएलपीने सोलापूर फ्रँचायझीला 7 कोटी रुपयांना जिंकले आणि विकी ओस्तवाल त्यांचा आयकॉन खेळाडू ठरला.
“आम्ही सर्व संघ मालकांसाठी लीग फायदेशीर करण्यासाठी कटिबद्ध आहोत. लिलावात जमा झालेला पैसा महाराष्ट्रातील क्रिकेटच्या उन्नतीसाठी वापरला जाईल, असे पवार म्हणाले.
महाराष्ट्रातील क्रिकेट खेळाच्या उन्नतीसाठी एमसीए प्रयत्नशील राहील, अशा उत्तम व्यासपीठावर युवा आणि उदयोन्मुख प्रतिभावंतांना आपले कौशल्य दाखविण्याची संधी मिळेल, असेही ते म्हणाले.
मला खात्री आहे की ही लीग आयपीएल आणि भारतीय क्रिकेट संघासाठी खेळाडूंना खुली संधी देईल.
